Aishwarya Rai ની ભાભી તરીકે ઓળખાવવું શ્રીમા રાયને ગમતું નથી, કહી પોતાની સફળતાની કહાની
Aishwarya Rai : બોલિવૂડ અભિનેત્રી ઐશ્વર્યા રાય છેલ્લા કેટલાક દિવસોથી તેના પતિ અભિષેક બચ્ચન સાથેના છૂટાછેડાની અફવાઓને કારણે ચર્ચામાં છે. ગઈકાલે દુબઈમાં યોજાયેલી એક ઈવેન્ટમાં ઐશ્વર્યાના નામમાંથી ‘બચ્ચન’ સરનામું હટાવાયું હતું, જેના કારણે ચાહકોમાં ફરી એકવાર ચર્ચા શરૂ થઈ છે કે બંને વચ્ચે કંઈક સમસ્યા છે.
આ દરમિયાન, Aishwarya Rai ની ભાભી શ્રીમા રાય સાથેના તેના સંબંધો પણ ચર્ચાનો વિષય બન્યા છે. તાજેતરમાં ઐશ્વર્યા રાય ની નણંદ શ્વેતા બચ્ચને શ્રીમાને ગુલદસ્તો મોકલ્યો હતો, જેની તસવીર શ્રીમાએ તેની ઈન્સ્ટાગ્રામ સ્ટોરીમાં શેર કરી હતી અને શ્વેતાને આભાર માન્યો હતો.
View this post on Instagram
પરંતુ વિવાદ તે સમયે ઊભો થયો જ્યારે Shrima Raiએ તેની એક પોસ્ટમાં ચાહકોને કહ્યું કે, “જો તમારે ઐશ્વર્યાનો ફોટો જોવો હોય તો તેના એકાઉન્ટ પર જાઓ.” આ ટિપ્પણી પર ચાહકો નારાજ થઈ ગયા અને કહ્યું કે શ્રીમા રાય ઐશ્વર્યા રાયના કારણે જ જાણીતી છે.
આ બધા વિવાદોને લઈને શ્રીમાએ એક લાંબી ઈન્સ્ટાગ્રામ પોસ્ટ લખી હતી, જેમાં તેણે કહ્યું, “ફેક્ટ્સ – 21 નવેમ્બર મારો જન્મદિવસ હતો અને તેના કારણે મને ફૂલો મોકલવામાં આવ્યા હતા, જેના બદલામાં મેં માત્ર આભાર માન્યો હતો. હું કન્ટેન્ટ ક્રિએટર બનતા પહેલા બેંકિંગ ક્ષેત્રમાં કામ કરતી હતી અને વર્ષ 2009માં ગ્લેડરેગ્સ મિસિસ ઈન્ડિયા રહી છું.
શ્રીમાએ આગળ લખ્યું, “2017 પછી મેં બ્લોગિંગમાં પ્રવેશ કર્યો અને ક્યારેય કોઈના નામનો ઉપયોગ કરીને બિઝનેસ ખોલવાનો પ્રયત્ન કર્યો નથી. મેં મારી પોતાની મહેનતથી કારકિર્દી બનાવી છે, અને મને એ બાબત પસંદ નથી કે કોઈ તથ્યો સાથે છેડછાડ કરે. મારા પતિ, સાસુ અને માતા-પિતાએ હંમેશા મારી કારકિર્દીમાં મને સપોર્ટ કર્યો છે.”
