લગ્નના બંધનમાં બંધાઈ Prajakta Koli, કેવી રીતે શરુ થઈ હતી લવસ્ટોરી?
Prajakta Koli : પ્રખ્યાત યુટ્યુબર અને અભિનેત્રી પ્રાજક્તા કોલી, જે ચાહકોમાં મોસ્ટલીસેન તરીકે જાણીતી છે, તેણે 25 ફેબ્રુઆરી 2025 ના રોજ તેના બોયફ્રેન્ડ વૃષાંક ખાનલ સાથે લગ્ન કર્યા. આ લગ્ન મુંબઈ નજીક કર્જતમાં પરિવાર અને નજીકના મિત્રોની હાજરીમાં થયા હતા.
આ લગ્નને ખાસ અને અનોખા બનાવવા માટે, પ્રાજક્તાની એક ખાસ ઇચ્છા પૂર્ણ કરવામાં આવી. પિંકવિલાના અહેવાલ મુજબ, પ્રાજક્તા ઇચ્છતી હતી કે તેના લગ્નની બધી ધાર્મિક વિધિઓ એક મહિલા પૂજારી દ્વારા કરવામાં આવે.
તેમની ઇચ્છાને માન આપીને, પરિવારે લગ્નની વિધિઓ કરવા માટે એક મહિલા પૂજારીની પસંદગી કરી. આ નિર્ણયથી આ લગ્ન માત્ર ભારતીય અને નેપાળી પરંપરાઓનું મિશ્રણ જ નહોતું, પણ તેને નવી વિચારસરણી અને લિંગ સમાનતાનું પ્રતીક પણ બનાવ્યું.
લગ્નમાં, Prajakta Koli અને વૃષાંકે ડિઝાઇનર અનિતા ડોંગરે દ્વારા બનાવેલા ઓફ-વ્હાઇટ બ્રાઇડલ આઉટફિટ્સ પહેર્યા હતા. રિસેપ્શન દરમિયાન, પ્રાજક્તાએ વૃષાંકની નેપાળી પરંપરાનું સન્માન કરીને પરંપરાગત નેપાળી લુક અપનાવ્યો.
સોશિયલ મીડિયા પર વાયરલ થયેલી તસવીરોમાં, પ્રાજક્તા પરંપરાગત નેપાળી લાલ સાડી અને ‘તિલહારી’ પહેરેલી જોવા મળી રહી હતી. તિલ્હરી એ નેપાળી સ્ત્રીઓ માટે મંગળસૂત્રનું પ્રતીક છે, જે લગ્ન દરમિયાન વરરાજા દ્વારા કન્યાના ગળામાં પહેરવામાં આવે છે. બીજી તરફ, વૃષાંકે નેપાળનો પરંપરાગત ડ્રેસ ‘દૌરા સુરુવાલ’ પહેરીને સ્ટાઇલિશ લુક અપનાવ્યો.
પ્રાજક્તા અને વૃષાંકની પ્રેમકહાની 2011 માં શરૂ થઈ હતી. તે સમયે વૃષાંક 22 વર્ષનો હતો અને પ્રાજક્તા 18 વર્ષની હતી. બંને એક કોમન ફ્રેન્ડ દ્વારા મળ્યા હતા અને પછી સોશિયલ મીડિયા પર તેમની મિત્રતા વધતી ગઈ. ધીમે ધીમે આ મિત્રતા પ્રેમમાં ફેરવાઈ ગઈ અને બંને એકબીજાને ડેટ કરવા લાગ્યા.
વધુ વાંચો:
