કોણ છે Radhika Merchant ની બહેન? છે રૂપરૂપનો અંબાર, સંભાળે છે કરોડોનું સામ્રાજ્ય
Radhika Merchant : અંજલિ મર્ચન્ટ મજીઠીયા Radhika Merchant ની મોટી બહેન છે. તેમના પિતા, વીરેન્દ્ર મર્ચન્ટ, એન્કોર હેલ્થકેરના સીઈઓ છે.
જે ભારતીય ફાર્મા ઉદ્યોગમાં મહત્વનું નામ ધરાવે છે. અંજલિ અને તેની બહેન રાધિકા મર્ચન્ટ બંને આ કંપનીના બોર્ડ ઓફ ડિરેક્ટર્સમાં સામેલ છે.
અંજલિ મર્ચન્ટ એ ધ કેથેડ્રલ, જ્હોન કોનન સ્કૂલ અને ઈકોલે મોન્ડિયાલ વર્લ્ડ સ્કૂલમાંથી પોતાનું શિક્ષણ પૂરું કર્યું છે. ત્યારબાદ, તેણે અમેરિકાની બેબસન કોલેજમાંથી આંત્રપ્રિન્યોરશિપ અને સ્ટ્રેટેજિક મેનેજમેન્ટમાં બેચલર ઑફ સાયન્સની ડિગ્રી મેળવી.
આ ઉપરાંત, લંડન બિઝનેસ સ્કૂલમાંથી MBA પણ કર્યું છે. એટલું જ નહીં, તેણે અમેરિકાની વર્જિનિયા યુનિવર્સિટીમાં પણ એક સેમેસ્ટરનો અભ્યાસ કર્યો.
અંજલિએ 2014 થી 2016 દરમિયાન એન્કોર હેલ્થકેરમાં જનરલ મેનેજર – બિઝનેસ ડેવલપમેન્ટ તરીકે કામ કર્યું હતું. તે ઉપરાંત, 2012 થી 2014 દરમિયાન માર્કેટિંગ અને ક્લાયંટ આઉટરીચ એક્ઝિક્યુટિવ તરીકે પણ સેવા આપી હતી.
મીડિયા રિપોર્ટ્સ અનુસાર, રાધિકા મર્ચન્ટની કુલ નેટવર્થ આશરે 10 કરોડ રૂપિયાની આસપાસ છે. તેમની આવકનો મુખ્ય સ્ત્રોત તેમનો પારિવારિક બિઝનેસ, એન્કોર હેલ્થકેર છે, જ્યાંથી તેઓનું મહત્તમ આવકનું સ્ત્રોત આવે છે. રાધિકાએ મુકેશ અંબાણીની પુત્રી ઈશા અંબાણીના લગ્નમાં પણ હાજરી આપી હતી.
તે પછી પણ રાધિકા અંબાણી પરિવારના અનેક ફંક્શનમાં જોવા મળી હતી. હવે રાધિકા અંબાણી પરિવારની સૌથી નાની વહુ બનવાની તૈયારીમાં છે.
આ બધાથી પરે, અંજલિ “ડ્રાયફિક્સ” નામની પોતાની હેર સ્ટાઇલ અને હેર ટ્રીટમેન્ટ ક્લબ ચેઇન ચલાવે છે અને “માઈલૂન મેટલ્સ”માં ડિરેક્ટર તરીકે પણ કાર્યરત છે.
અંજલિ મર્ચન્ટ એ 2020માં બિઝનેસમેન અમન મજીઠિયા સાથે લગ્ન કર્યા. અમન મજીઠિયા “વટલી” નામની ઑનલાઇન રિટેલ બ્રાન્ડના સ્થાપક છે અને એન્કોર હેલ્થકેરમાં એસોસિયેટ ડિરેક્ટર તરીકે પણ કાર્ય કરે છે.
આ દંપતીને એક પુત્ર પણ છે. અંજલિ મર્ચન્ટની નેટવર્થ વિશે ખાસ માહિતી ઉપલબ્ધ નથી, પરંતુ તેના પિતા વીરેન્દ્ર મર્ચન્ટની નેટવર્થ લગભગ 755 કરોડ રૂપિયા છે, અને તેની માતા શૈલા મર્ચન્ટની કુલ સંપત્તિ 10 કરોડ રૂપિયા છે.
કંપનીનું વાર્ષિક ટર્નઓવર લગભગ 200 કરોડ રૂપિયા છે અને સંપૂર્ણ કંપનીનું મૂલ્ય આશરે 2000 કરોડ રૂપિયાના આસપાસ માનવામાં આવે છે. આ પરિસ્થિતિમાં, મર્ચન્ટ પરિવારની કુલ સંપત્તિ 900 કરોડ રૂપિયાની આસપાસ હોવાનું માની શકાય.
વધુ વાંચો:
