કોને કોને મળશે Amitabh Bachchan ની પ્રોપર્ટી? દીકરા-વહુના છૂટાછેડાની ખબરો વચ્ચે જાણી લો તમે પણ..
Amitabh Bachchan : બોલિવૂડના મેગાસ્ટાર Amitabh Bachchan હાલમાં શો ‘કૌન બનેગા કરોડપતિ’ હોસ્ટ કરી રહ્યા છે અને દરરોજ તેમના ચાહકો સાથે સંવાદ કરતા રહે છે.
પરંતુ આ દિવસોમાં બચ્ચન પરિવારની ચર્ચા તેનો એક વ્યક્તિગત મુદ્દો છે—અભિષેક બચ્ચન અને તેમની પત્ની ઐશ્વર્યા રાય વચ્ચેના સંબંધમાં ખટાશ.
આ સમાચારને વેગ મળ્યો જ્યારે ઐશ્વર્યા રાય અનંત અંબાણીના લગ્નમાં તેમના પતિ અને બચ્ચન પરિવાર સાથે નહીં પરંતુ પુત્રી આરાધ્યા સાથે અલગ હાજર રહેતા જોવા મળી. આ પછી, બચ્ચન પરિવારના અંદર છૂટાછેડાના સમાચાર ફેલાયા.
આ સમયે, અમિતાભ બચ્ચનની સંપત્તિની વહેંચણી અંગે ચર્ચાઓ તેજ થઈ ગઈ છે. 2011ના એક ઈન્ટરવ્યુમાં, અમિતાભ બચ્ચને આ મુદ્દે સ્પષ્ટતા કરી હતી.
રેડિફને આપેલા ઈન્ટરવ્યુમાં અમિતાભ બચ્ચને જણાવ્યું હતું કે, તેમના નિધન બાદ, તેમની મિલકત દીકરા અભિષેક અને દીકરી શ્વેતામાં બરાબર વહેંચાશે. “મેં નક્કી કર્યું છે કે હું બન્નેમાં કોઈ ભેદભાવ નહીં કરું,” તેમણે જણાવ્યું.
જયા બચ્ચન પણ આ નિર્ણયમાં સામેલ છે, અને બન્ને પતિ-પત્નીએ પહેલાથી જ નક્કી કરી લીધું છે કે તેમની સંપત્તિના બે ભાગ કરવામાં આવશે—એક દીકરા અભિષેક અને બીજો દીકરી શ્વેતાના હકમાં જશે.
બિગ બીએ આગળ કહ્યું કે “લોકો કહે છે કે દીકરીઓ પરાયુ ધન છે, પણ મારા માટે મારી દીકરી શ્વેતા માટેનો હક છે જેમ કે દીકરા અભિષેક માટે છે.” અમિતાભ બચ્ચનના આ નિવેદનથી એ સ્પષ્ટ થઈ ગયું કે તેમની પ્રોપર્ટીમાંથી પુત્રવધૂ ઐશ્વર્યા રાયને કોઈ હિસ્સો નહીં મળે.
મીડિયા રિપોર્ટ્સ અનુસાર, 2022-2023ના સમયગાળાની જાણકારી પ્રમાણે, જયા બચ્ચનના નામે 1 કરોડ 63 લાખ 56 હજાર 190 રૂપિયા છે.
જ્યારે અમિતાભ બચ્ચનની કુલ સંપત્તિ 273 કરોડ 74 લાખ 96 હજાર 590 રૂપિયા છે. બચ્ચન દંપતીની કુલ જંગમ સંપત્તિ 849.11 કરોડ રૂપિયા અને સ્થાવર સંપત્તિ 729.77 કરોડ રૂપિયા છે.
