Anant Ambani એ લગ્નમાં પહેરી હતી 25 કરોડની ઘડિયાળ, જેમાં દેખાય છે બ્રહ્માંડ
Anant Ambani : દેશના સૌથી મોટા ઉદ્યોગપતિના નાના પુત્ર અનંત અંબાણીના લગ્ન 12 જુલાઈના રોજ રાધિકા મર્ચન્ટ સાથે થઈ ગયા છે, જેના લગ્નની ચર્ચા દેશ અને દુનિયામાં ઘણા સમયથી થઈ રહી છે.
બિઝનેસમેન અને અંબાણી પરિવારના દિગ્ગજ હોવા ઉપરાંત, અનંત એક પ્રાણી પ્રેમી તરીકે પણ ઓળખાય છે. પરંતુ પ્રાણીઓ સિવાય તેમનો બીજો શોખ છે અને તે છે મોંઘી ઘડિયાળો.
અનંત પાસે ઘડિયાળાનું અદ્ભુત કલેક્શન છે જેને તે ઘણીવાર ફ્લોન્ટ કરતો જોવા મળે છે. અનંતે પોતાના લગ્નમાં પણ ઘણી મોંઘી અને ઉત્તમ ઘડિયાળો પહેરી હતી.
‘Richard Mille’ ઘડિયાળની ખાસ વાત
પરંતુ તેમની વચ્ચે એક ઘડિયાળની ખૂબ ચર્ચા થઈ રહી છે, જે છે ‘Richard Mille’ બ્રાન્ડની ઘડિયાળ. અનંતે આ ઘડિયાળ તેની પાઘડી બાંધવાની વિધિ અને જાન દરમિયાન પહેરી હતી.
તમે જાણીને દંગ રહી જશો કે આ ઘડિયાળમાં ‘બ્રહ્માંડ’ દેખાય છે. અનંતે કિંમતી રત્નોથી જડેલી ‘Richard Mille RM 52-05 Tourbillion Pharrell Williams’ ઘડિયાળ પહેરી હતી.
ઘડિયાળના ખાસ ફીચર્સ
આ ઘડિયાળના ડાયલમાં મંગળ પરથી પૃથ્વી કેવી રીતે દેખાય છે તેનું નિરૂપણ છે. અન્ય ઘણી વિશેષતાઓ ઉપરાંત આ ઘડિયાળનો કેસ નીલમથી જડાયેલો છે.
આ અદ્ભુત ડિઝાઇનમાં ડિઝાઇનરોએ ડાયલની નાની જગ્યામાં બ્રહ્માંડનું નિરૂપણ કરવાનું અદ્ભુત કામ કર્યું છે. આ ઘડિયાળ બ્રહ્માંડમાં હાજર તારાઓને પણ બતાવે છે.
ઘડિયાળની બેઝપ્લેટમાં કેટલાક મોટા અને ચળકતા વાદળી રંગના એવેન્ટ્યુરિન ગ્લાસ છે જેનો ઉપયોગ ઘરેણાં, ફૂલદાની, મૂર્તિઓ વગેરે સહિત અનેક પ્રકારની સજાવટની વસ્તુઓ બનાવવામાં થાય છે.
ઘડિયાળની કિંમત
વેબસાઈટ પર લખેલી માહિતી અનુસાર ‘Richard Mille RM 52-05 Tourbillion Pharrell Williams Watch’ની કિંમત 3,000,000 યુએસ ડોલર એટલે કે અંદાજે 25,09,12,500 રૂપિયા છે.