Kinjal Dave એ પોતાના 25માં જન્મદિવસની કરી અનોખી ઉજવણી, એવું તો શું કર્યું કે..
Kinjal Dave : ‘ચાર ચાર બંગડી’ ફેમ અને ગુજરાતની લોકપ્રિય ગાયિકા કિંજલ દવે માત્ર ગુજરાતમાં જ નહીં, પરંતુ દેશ-વિદેશમાં પણ પોતાની ધૂમ મચાવી રહી છે.
કિંજલ દવેનો ચાહક વર્ગ અત્યંત વિશાળ છે. તાજેતરમાં Kinjal Dave એ પોતાની 25મી વર્ષગાંઠ અનોખી રીતે ઉજવી હતી, જેમાં તેમના ફેન્સે પણ અલગ-અલગ રીતે શુભેચ્છાઓ પાઠવી હતી.
કિંજલ દવેના જન્મદિવસની આ ખાસ ઉજવણીનો વીડિયો સોશિયલ મીડિયા પર વાયરલ થઈ રહ્યો છે. કિંજલે પોતાના જન્મદિવસની ઉજવણી મુક-બધીર શાળામાં કરી હતી. આ પ્રસંગે શેર કરેલા વીડિયો સાથે કિંજલ દવેએ લખ્યું: “બે દિવસ પહેલા મારો 25મો જન્મદિવસ મેં આવા બાળકો સાથે ઉજવ્યો, જે સાંભળી શકતા નથી કે બોલી શકતા નથી.
View this post on Instagram
મને લાગે છે કે ભગવાને આપણા સૌના હૃદયમાં એક અનોખી સંગીતની ધૂન મૂકીને મોકલ્યા છે. હું તો એ જોઈને અજાણતી રહી ગઈ કે કોઈ માણસ સાંભળ્યા વગર પણ પરફેક્ટ બીટ પર ડાન્સ કેવી રીતે કરી શકે!
કાશ આપણે પણ તેમના હૃદયમાં વાગતું સંગીત સાંભળી શકતા હોત! આ જન્મદિવસ મારા જીવનનો સૌથી યાદગાર બની રહેશે. આ બધી બાળકોને દિલથી ધન્યવાદ, જેમણે મને ઈશ્વર સાથે થોડીક વધુ નજીક લાવી દીધી.”
આ વિડીયોએ લોકોને મંત્રમુગ્ધ કરી દીધા છે, અને સૌ કોઈ કિંજલ દવેના આ કાર્યની ભરપૂર પ્રશંસા કરી રહ્યા છે. આ વીડિયોને અત્યાર સુધીમાં લાખો વ્યૂઝ અને લાઈક્સ મળી ચૂક્યા છે.
