ઢોલીવૂડના ફેમસ કપલ Malhar Thakar અને પૂજા જોષી લગ્નના બંધનમાં બંધાયા
Malhar Thakar : ગુજરાતી ફિલ્મ ઇન્ડસ્ટ્રીના લોકપ્રિય કલાકાર મલ્હાર ઠાકર અને અભિનેત્રી પૂજા જોષી હવે જીવનસાથી બની ગયા છે. ગઈકાલે, 26 નવેમ્બર, 2024ના રોજ, આ કપલે પોતાના લગ્નની તસવીરો ઇન્સ્ટાગ્રામ પર શેર કરી હતી. તેમણે કેપ્શનમાં લખ્યું હતું, “હું અને મારાથી, અમે બની ગયા અને અમે હંમેશા ખુશ રહ્યા.”
લગ્ન સમારંભમાં પૂજાએ પરંપરાગત લાલ લહેંગા ચોલી પહેરી હતી, જેના પર ફ્લોરલ એમ્બ્રોઇડરી ખૂબ જ આકર્ષક લાગતી હતી. સ્ટેટમેન્ટ જ્વેલરી અને ન્યૂડ મેકઅપ સાથે તેનો લુક એકદમ શાનદાર દેખાતો હતો. બીજી તરફ, મલ્હાર ઠાકરે આઈવરી રંગની શેરવાની અને મેચિંગ પાઘડી પહેરી હતી, જેમાં તે ખૂબ જ હેન્ડસમ લાગતો હતો.
Malhar Thakar અને પૂજાની જોડી સ્ક્રીન પર ઘણી વાર જોવા મળી છે. બંનેએ વેબ સિરીઝ વાત વાતમાં તેમજ ફિલ્મો વીર ઈશાનું સિમંત અને લગ્ન સ્પેશ્યલમાં સાથે કામ કર્યું છે. તેઓની કેમેસ્ટ્રીને દર્શકોની ઘણી પ્રશંસા મળી છે.
થોડા સમય પહેલા, 6 નવેમ્બરે, આ કપલે એક તસવીર સાથે તેમના સંબંધની પુષ્ટિ કરતાં લખ્યું હતું, “તમામ અફવાઓ પર વિરામ આપીને! રીલથી રીયલ સુધી..
તમારા પ્રેમ અને આશીર્વાદથી અમે અમારા નવા અધ્યાયની શરૂઆત કરવા જઈ રહ્યા છીએ. કાઉન્ટડાઉન શરૂ થાય છે!!” આ સમાચારથી તેમના ચાહકોમાં ખુશીનો માહોલ છે અને સૌ કોઈ તેમને આવનારા જીવન માટે શુભકામનાઓ પાઠવી રહ્યા છે.
Malhar Thakar ના થયા લગ્ન
મલ્હાર ઠાકર અને પૂજા જોષીના લગ્ન વિશે વાત કરીએ તો મલ્હારે ક્રીમ કલરની શેરવાની અને પૂજાએ ડાર્ક પિન્ક ટ્રેડિશનલ આઉટફિટ પહેર્યો હતો. આ કપલ એકદમ સુંદર દેખાતું હતું. બન્નેએ પારંપરિક ધાર્મિક વિધિઓ સાથે લગ્ન કર્યા અને હવે હંમેશા માટે એકબીજાના જીવનસાથી બની ગયા છે.
તેમના આ ખાસ દિવસે ગુજરાતી ફિલ્મ ઇન્ડસ્ટ્રીના અનેક જાણીતા સેલિબ્રિટીઓ ઉપસ્થિત રહ્યા હતા અને તેમણે નવપરણિત કપલને શુભેચ્છાઓ અને આશીર્વાદ આપ્યા હતા. સાથે જ ચાહકો પણ મલ્હાર અને પૂજાને સોશિયલ મીડિયા પર શુભેચ્છાઓ પાઠવી રહ્યા છે.
રવિવારથી #MaJaNiWeddingની લગ્ન પહેલાંની સેરેમનીઓનો આરંભ થયો હતો. મહેંદી, સંગીત અને હલ્દી જેવા કાર્યક્રમોમાં ધામધૂમથી ઉજવણી કરવામાં આવી હતી.
સંગીત સેરેમનીમાં પ્રખ્યાત ગાયક ઓસમાણ મીર અને તેમના દીકરા આમિર મીરે પોતાના સૂરોથી દરેકનું દિલ જીતી લીધું હતું. આદિત્ય ગઢવી, યશ સોની સહિતના ગુજરાતી કલાકારોએ પણ પોતાની હાજરીથી કાર્યક્રમને ખાસ બનાવી દીધો હતો.
મલ્હાર અને પૂજાએ સંગીત સેરેમનીમાં એકઠાં કપલ ડાન્સ કર્યો હતો અને તેમના મિત્રો સાથે પણ ધમાલ મચાવી હતી. આ સેરેમનીના અનેક વીડિયો સોશિયલ મીડિયા પર વાયરલ થઈ રહ્યા છે, જેમાં મલ્હાર અને પૂજા પોતાના મિત્રો સાથે મજા કરતા જોવા મળી રહ્યા છે.
