Yuzvendra Chahal અને ધનશ્રી થયા અલગ, 4 વર્ષ બાદ આવ્યો લગ્નજીવનનો અંત
Yuzvendra Chahal : ભારતીય ટીમના જાણીતા લેગ સ્પિનર યુઝવેન્દ્ર ચહલ અને તેની પત્ની ધનશ્રી વર્મા વચ્ચે અલગાવના સમાચાર સામે આવ્યા છે. મીડિયા રિપોર્ટ્સ અનુસાર, બંનેએ બાંદ્રાની ફેમિલી કોર્ટમાં પહોંચી છૂટાછેડાની ઔપચારિકતાઓ પૂરી કરી દીધી છે. લાંબા સમયથી તેમની વચ્ચે અનબન અને છૂટાછેડાની અફવાઓ ચાલી રહી હતી, જે હવે સાચી સાબિત થઈ છે.
4 વર્ષમાં તૂટ્યો સંબંધ
યુઝવેન્દ્ર ચહલ અને ધનશ્રી વર્માનો સંબંધ 4 વર્ષ પહેલાં શરૂ થયો હતો. બંનેએ 22 ડિસેમ્બર 2020ના રોજ લગ્ન કર્યા હતા. તેમના લગ્ન બાદ પ્રારંભિક સમયમાં બંને સોશિયલ મીડિયામાં સાથે ઘણી તસવીરો અને વીડિયો શેર કરતા હતા, પણ છેલ્લા કેટલાંક સમયથી તેઓએ એકબીજાની સાથેની પોસ્ટ્સ કરવી બંધ કરી દીધી હતી.
સોશિયલ મીડિયા પર ક્રિપ્ટિક પોસ્ટ
છૂટાછેડા બાદ Yuzvendra Chahal એ એક સંદેશો પોસ્ટ કર્યો, જેમાં તેણે લખ્યું, “તે જેટલો બચી શકે છે, ભગવાને તેનાથી વધુ તેને બચાવ્યો છે.” ચહલની આ પોસ્ટથી સ્પષ્ટ છે કે તે કંઈક મોટી પરિસ્થિતિમાંથી પસાર થઈ રહ્યો છે. બીજી તરફ, ધનશ્રી વર્માએ પણ ઈશારાપૂર્વક એક પોસ્ટ શેર કરી, જેમાં તેણે લખ્યું, “કોઈ વસ્તુને લઈને ટેન્શનમાં છો તો જાણો કે તમારા માટે હંમેશા વિકલ્પ હોય છે.”
છૂટાછેડા માટે 60 કરોડ રૂપિયાની એલિમની?
રિપોર્ટ્સ મુજબ, યુઝવેન્દ્ર ચહલ છૂટાછેડા બાદ ધનશ્રી વર્માને 60 કરોડ રૂપિયાની એલિમની ચૂકવવાનો છે. જોકે, આ સમાચારની કોઈ અધિકૃત પુષ્ટિ થઈ નથી.
ટીમ ઇન્ડિયાના 3 ખેલાડીઓના છૂટાછેડા
છેલ્લા બે વર્ષમાં ભારતીય ક્રિકેટ ટીમના ત્રણ ખેલાડીઓના લગ્ન તૂટી ગયા છે. શિખર ધવન પહેલેથી જ આયશા મુખર્જી સાથે છૂટાછેડા લઈ ચૂક્યો છે. હાર્દિક પંડ્યાએ નતાશા સ્ટેનકોવિક સાથે અલગાવ કર્યાની ચર્ચા ચાલી રહી છે. હવે યુઝવેન્દ્ર ચહલ અને ધનશ્રી વર્મા પણ એકબીજાથી અલગ થઈ ગયા છે.
વીરેન્દ્ર સહેવાગના જીવનમાં પણ ઉથલપાથલ?
સાવંધાં મુજબ, ભૂતપૂર્વ ક્રિકેટર વીરેન્દ્ર સહેવાગના લગ્નજીવનમાં પણ સમસ્યાઓ ચાલી રહી છે. રિપોર્ટ્સ અનુસાર, તે પોતાની પત્ની આરતી અહલાવતથી અલગ થવા જઈ રહ્યો છે. જો કે, આ સમાચાર પર સહેવાગ તરફથી કોઈ સત્તાવાર પ્રતિક્રિયા આપવામાં આવી નથી.
વધુ વાંચો:
